જરા ધીરે બાપુડીયા

વારાફરથી વારો,
ગૂંજશે તારોય નારો,
આમ ઉતાવળે ક્યાં ચાલ્યો ?
જરા ધીરે બાપુડીયા !

પથમાં આવશે ગારો,
દિમાગનો ચડશે પારો,
પીઠે ભોંકાશે ત્યાં ભાલો.
જરા ધીરે બાપુડીયા !

ક્યારેક ચરાવશે ચારો,
કટાક્ષ આપશે સારો,
અપશબ્દમાં કે'શે " સાલ્લો.."
જરા ધીરે બાપુડીયા !

જીવતા સજાવશે હારો,
એમ બતાવશે આરો,
બરબાદ કરશે મે'નતનાં ફાલો.
જરા ધીરે બાપુડીયા !

અંતે ચમકશે તારો,
મીઠો લાગશે સાગર ખારો,
દાઢમાં બોલશે વ્હાલો વ્હાલો..
જરા ધીરે બાપુડીયા !

-શીતલ ગઢવી"શગ"