આ નૂતન વર્ષની...

દિવાળીની ઝગમગાવતી રાત્રી ગઈ વીતી,
આવી નવી સવાર આ નૂતન વર્ષની..

જય શ્રી કૃષ્ણ આપ સૌને,
સાથે ખુબ ખુબ શુભેચ્છાઓ આ નૂતન વર્ષની..

શુભ રહે દરેક દિવસ,
સુંદર વીતે દરેક રાત્રી આ નૂતન વર્ષની..

સ્વસ્થ રહે સ્વાસ્થ્ય આપનું,
પ્રગતિ ને પ્રસિદ્ધિ લાવે પધરામણી આ નૂતન વર્ષની..

ગાઢ બને સંબંધો,
વીતે દરેક પળ આનંદથી આ નૂતન વર્ષની..

વેર, દ્વેષ, ને ક્લેષ રહે દૂર,
પ્રેમ, સ્નેહ, ને વાત્સલ્યથી હરીભરી રહે દરેક ક્ષણ આ નૂતન વર્ષની..

- હાર્દિક કલ્પદેવ પંડ્યા

વાંચતા શીખો

શબ્દો વાંચતા શીખો,

શબ્દોની અંદર રહેલી ભાવનાઓ વાંચતા શીખો,

ક્યારેક શબ્દો થકી ગેર સમજ ઊભી થાયને,

ત્યારે શબ્દો(વાતચીત) થકી ચોખવટથી સંબંધો સાચવતા શીખો...

સગા-સંબંધી, આપ્તજનોથી જ આ દૂનિયા છે,

મીઠા શબ્દો થકી સંબંધો નિભાવતા શીખો.

શબ્દો નહિ પણ શબ્દો પાછળની ભાવના વાંચતા શીખો...

- હાર્દિક કલ્પદેવ પંડ્યા